បទយកការណ៍

Episodios disponibles

de

អ្នកធាក់ស៊ីក្លូថា អ្នកជិះកាន់តែខ្សត់ ខណៈរបរនេះវិលកង់ដល់សព្វថ្ងៃពឹងលើប្រាក់មូលនិធិ

មូលនិធិស៊ីក្លូបង្កើតឡើងដោយលោកនាយករដ្ឋមន្ត្រី ហ៊ុន សែន កាលដើមឆ្នាំ២០១៨ មានអាយុ១ឆ្នាំហើយ គិតមកដល់ឆ្នាំ២០១៩នេះ។ ដូច្នេះនាទីបទយកការណ៍យើងនៅថ្ងៃនេះ អេង គីមហុង នាំអារម្មណ៍លោកអ្នកនាង ទៅស្ដាប់ចំណាប់អារម្មណ៍អ្នកធាក់ស៊ីក្លូមួយចំនួនដែលភាគច្រើនជាមនុស្សចាស់ថា ការជិះស៊ីក្លូពីសំណាក់អ្នករស់នៅក្នុងក្រុងភ្នំពេញកាន់តែមានការថយចុះពីមួយថ្ងៃទៅមួយថ្ងៃ។ ហើយថា របរនេះវិលកង់ដល់សព្វថ្ងៃពឹងអាស្រ័យលើប្រាក់មូលនិធិនិងអ្នកជិះជាភ្ញៀវទេសចរណ៍តែប៉ុណ្ណោះ។

លោក ហ៊ួត ជា៖ ភាពស្មោះត្រង់គឺជាកត្តាចាំបាច់ដែលធ្វើឲ្យអាជីវកម្មជោគជ័យ

នៅក្នុងនាទីជីវិតជោគជ័យរបស់វិទ្យុបារាំងអន្តរជាតិRFIនៅពេលនេះ អ៊ឹង ប៊ុនថន សូមណែនាំលោកអ្នកស្តាប់ឲ្យស្គាល់ពីដំណើរជីវិតរបស់ លោក ហ៊ួត ជា អគ្គនាយកក្រុមហ៊ុន ហ៊ួត ជា ។ ជាក្រុមហ៊ុនផ្គត់ផ្គង់គ្រឿងសំណង់ដែលមាន២៨សាខានៅកម្ពុជាសព្វថ្ងៃ។ មុនទទួលបានជោគជ័យលើអាជីវកម្ម លោក ហ៊ួត ជា ក៏ធ្លាប់ជួបប្រទះនឹងភាពបរាជ័យផងដែរ ខណៈលោកគឺជាអតីតកុមាររស់នៅតំបន់អាណាធិបតេយ្យមួយក្នុងទីក្រុងភ្នំពេញ។

ពលរដ្ឋ៖ បឹងតាមោកជាឆ្នាំងបាយ បើបឹងអភិវឌ្ឍពួកគេគ្មានអ្វីទីពឹង

ពលរដ្ឋមួយចំនួនធំដែលរស់នៅម្ដុំបឹងតាមោក ជាយរាជធានីភ្នំពេញបានអះអាងថា រាល់ថ្ងៃផ្ញើជីវិតលើបឹងនេះហើយ។ បឹងដែលពួកគេប្រដូចទៅនឹងឆ្នាំងបាយ ខណៈដែលរដ្ឋាភិបាលមានគម្រោងយកមួយផ្នែកនៃផ្ទៃបឹងប្រមាណ២០ហិកតា អភិវឌ្ឍន៍ទៅជាផ្សារបន្លែមួយកន្លែងនាពេលអនាគត។ ពលរដ្ឋថា លុយនិងម្ហូបប្រចាំថ្ងៃពឹងអាស្រ័យលើបឹង ដែលសំបូរទៅត្រី និងបន្លែធម្មជាតិ។

សហគមន៍កសិកម្មសាមគ្គីមានជ័យ៖ ច្នៃសំរាមជាផលិតផលសម្រាប់លក់

សហគមន៍កសិកម្មសាមគ្គីមានជ័យស្ថិតនៅស្ទឹងមានជ័យរាជធានីភ្នំពេញ បានបង្កើតឡើងដោយស្រ្តីមួយក្រុម ដើម្បីជួយស្ត្រីជាសមាជិកផ្សេងទៀតប្រមាណ៥០នាក់។ ខណៈដែលសំរាមគឺជាបញ្ហាមួយនៅរាជធានីភ្នំពេញ សហគមន៍នេះបានយកចំណែកតិចតួចនៃសំរាមមកកែច្នៃធ្វើជាវត្ថុអនុស្សាវរីយ លក់ជូនភ្ញៀវបរទេស និងសាធារណជនខ្មែរ ដើម្បីបានចំណូលជួយផ្គត់ផ្គង់ជីវភាពសមាជិកក្នុងសហគមន៍។

កម្មការិនីនៅតែត្អូញត្អែរពីការដំឡើងថ្លៃបន្ទប់ជួលទៅតាមការដំឡើងប្រាក់ខែរបស់ពួកគេ

ឈានចូលឆ្នាំថ្មី២០១៩នេះ កម្មករ កម្មការិនីខ្មែរមួយចំនួននៅតែប្រឈមមុខនឹងការដំឡើងថ្លៃបន្ទប់ជួលដែលពួកគេកំពុងស្នាក់នៅ។ ការដំឡើងនេះ ត្រូវបានពួកគេអះអាងថា ធ្វើឡើងតាមការដំឡើងប្រាក់ខែដល់ពួកគេដែរ។ សម្រាប់កម្មករ កម្មការិនី បើទោះបីនៅពេលនេះ រោងចក្របើកប្រាក់ខែពីរដងក្នុងមួយខែដល់ពួកគេក៏ដោយ ក៏ពួកគេនៅតែគ្មានប្រាក់កាកសល់ច្រើនទេ ព្រោះត្រូវរ៉ាប់រងថ្លៃបន្ទប់ជួល និងម្ហូបអាហារដែលបានឡើងថ្លៃខ្លះៗផងនោះ។